Auðvitað alger hneysa

Því eini munurinn á Íslandi og Tyrklandi eru trúarbrögðin er það ekki?

Ekki eins og eitthvað annað gæti hafa haft áhrif á að þeim var neitað :P


mbl.is Aðild Íslands móðgun við Tyrki
Tilkynna um óviðeigandi tengingu við frétt

Áskrifandi að einni röð

Mér finnst alltaf skondið að sjá hvað fólk kaupir margar raðir þegar potturinn verður svona stór. Vissulega eykur það líkurnar á að vinna en þú vinnur aldrei lottó á líkum hvort eð er.

Það er oft talað um að lottóspil séu aukaskattur fyrir þá sem eru lélegir í stærðfræði þar sem líkurnar á að vinna séu það litlar að jafnvel þó við tökum vinningshafa inn í dæmið er fólk að meðaltali að tapa á að taka þátt. (væri erfitt fyrir lottó að græða annars)
En einhver vinnur og áhrifin sem 55 millur hefðu á líf manns eru það mikil að ég er alveg til í að láta stimpla mig sem lélegann í stærðfræði.

Leyndarmálið er að vera áskrifandi að einni röð í mánuði. Af hverju einni? Jú að kaupa fleiri raðir raðir þýðir að maður er kominn út í líkindareikning en samkvæmt honum hlýtur maður að tapa.
Ég myndi kaupa færri en ég get ekki mögulega unnið án þess að kaupa a.m.k. eina.


mbl.is Potturinn sexfaldur næst
Tilkynna um óviðeigandi tengingu við frétt

Þetta reddast!

“If you break your neck, if you have nothing to eat, if your house is on fire, then you've got a problem. Everything else is inconvenience."

Ríkisstjórnin er að gera hluti. Svíar or Rússar eru að bjóða okkur Evrur. Við erum á eða nálægt botninum svo það er allt upp á við héðan í frá.

Þau okkar sem hafa ennþá efni á leigu og mat ættum endilega að gera allt sem við getum til að hjálpa hinum sem hafa lent verr í ástandinu. Íslenska bjartsýnin á eftir að fleyta okkur í gegnum þetta án teljandi vandræða. Þetta reddast!


Hvernig binda á bindi

Einfaldar og þæginlegar leiðbeiningar í aðeins tveimur skrefum.

http://www.cartoonchurch.com/content/cc/how-to-tie-a-tie/

 


Samspil ríkja og fyrirtækja

Þetta er ekkert nema bailout og bailout eru slæm.

Það er verra að leyfa sumum fyrirtækjum að fara á hausinn. 

Þegar þetta gerist er það venjulega út af því að stjórn fyrirtækjanna hefur spilað rassinn úr buxunum og láta skattgreiðendur og minnihlutahafa súpa seyðið af því fyrir sig. 

En hvað er hægt að gera til að koma í veg fyrir þetta? Þurfum við að takmarka stærðið og eignir fyrirtækja þannig að hvert og eitt þeirra megi fara á hausinn án þess að rústa efnahagnum? Þurfum við að hætta bailouts og setja fordæmi til að minnka áhættusækni þeirra fyrirtækja sem eftir koma? Eða þarf bara sum þjónusta að vera rekin af ríkinu?

Engin þessara leiða er frábær en eitthvað þarf að gera til að þessi hringrás af uppbyggingu - hruni - bailout hætti að endurtaka sig. 


mbl.is Ríkið eignast 75% í Glitni
Tilkynna um óviðeigandi tengingu við frétt

Hvað er "tölvufíkn"?

Ég hef heyrt um ýmsar fíknir. Leikjafíkn, Vefskoðunarfíkn, Klámfíkn, Spjallfíkn en aldrei hef ég heyrt um tölvufíkn áður. Hverju er maður háður þegar maður er "tölvufíkill"?

Ég vinn á tölvu allann daginn og eins ótrúlegt og það kann að virðast er ég að gera mjög fjölbreytta hluti. Þegar ég kem heim fer ég svo jafnvel að gera aðra hluti á tölvu.

Það sem ég geri ráð fyrir hér að sé verið að tala um er netspilunarfíkn, sem á sér helst stað í leikjum eins og World of Warcraft og EVE-Online. Hún er vandamál sem þarf að taka á en vegna þess hversu nýtt þetta er hefur enginn brugðist við á Íslandi með meðferðarúrræði. 

Oftast er heldur ekki um langvarandi ástand að ræða heldur tímabil þar sem fólk tekur þetta út. Þessi fíkn er ekki eins algeng og má halda af fjölmiðlaumfjöllunum og margir spila netleiki mikið án þess að úr því verði nokkurntíma vandamál.

Fólk getur verið mjög félagslynt og samt spilað tölvuleiki. Ótrúlegt, ég veit.


mbl.is Tölvufíkn veldur brottfalli
Tilkynna um óviðeigandi tengingu við frétt

Kostakjör

Væri gaman að vita hvað álíka gripur hefði farið á í USA. Mætti væntanlega bæta nokkrum núllum við.
mbl.is Bangsi Mr. Bean á uppboði
Tilkynna um óviðeigandi tengingu við frétt

European Academy

Jæja, ég ætla að reyna að gefa einhverja smá mynd af því sem við erum búin að vera að gera síðustu daga. Búið að vera ansi mikið í gangi.

Ég hitti nokkra þáttakendur héðan á fimmtudagskvöldið og við fórum saman úteftir í Gautaborg að fá okkur að borða. Enduðum á að vera um 10 manns og kíktum á pöbbinn eftir á. Fórum nú samt snemma heim þar sem við þurftum að taka strætó til baka og akademían byrjaði daginn eftir.

Á föstudeginum var okkur skipt í hópa og kynnt fyrir okkur hvað við yrðum að gera y

Byrjuðum eftir hádegi á föstudeginum. Þá var okkur skipt í hópa og kynnt fyrir okkur hvað við myndum gera það sem eftir væri akademíunar. Fórum líka í gegnum fyrstu verkefnin og kúrsana.

Hóparnir áttu svo hver að flytja sitt verkefni á mánudeginum og eini tími sem við höfðum í það var eftir kvöldskemmtanir svo við vorum oftast vel framyfir miðnætti að undirbúa. Dagskráin byrjaði svo 08:15 á morgnanna, svo það var ekki sérstaklega mikið sofið.

Á laugardeginum var útiprógramm mest allann daginn þar sem var unnið í öðrum hópum og hver hópur átti að lesa ákveðnar þrautir. Svo var farið í saumana á því hvernig hópvinnan var og hvað hefði mátt fara betur. Þetta varð bæði til þess að maður kynntist þessu fólki á ótrúlega skömmum tíma og maður lærði ansi mikið um hópvinnu almennt.

Sunnudagurinn var meira inniverkefni og fyrirlestrar, unnið í upprunalegu hópunum. Þetta er fólkið sem maður var hvað mest með svo maður kynntist því líka ótrúlega vel á þessum fáu dögum.

Um kvöldið var svo farið að skoða kastalann sem er hérna við hliðina og við borðuðum kvöldmat þar. Flestir fóru þó strax eftir matinn því daginn eftir þurfti að flytja verkefnin.

Vorum að til að verða 2 um nóttina eftir að leysa ýmis vandamál með hópvinnuna. Sofnaði nær 3 og þurfti að vakna fyrir 7 og koma mér í jakkaföt fyrir kynninguna.

Kynningarnar tóku allann morguninn og voru margar hverjar alveg æðislegar. Heimsforseti JCI, Graham Hanlon, stjórnaði öllu af festu og öryggi. Náði spjalli af honum seinna um kvöldið og hann virðist vera alveg frábær náungi.

Eftir lokanámskeiðshlutann var svo gala veisla um kvöldið. Mikið af ræðuhöldum, mikið af tilfinningum í gangi þar sem fólk hafði kynnst mikið af fólki þarna og vildi ekki sleppa af þeim hendinni strax. Þetta varð líka til þess að partýið um kvöldið dróst vel á langinn og ég var sjálfur ekki kominn upp á herbergi fyrr en 05:30. Hef ekkert sérstakt að gera í dag annað en að pakka svo ég gat leyft mér að vakna seint.

Flýg kl 10:40 á morgun svo ég þarf vera kominn af stað snemma. Tek strætó á völlinn þar sem það er frekar langt svo ég þarf jafnvel að fara áður en morgunmaturinn byrjar. Þeas fyrir 7.

European Academy 162European Academy 204European Academy 276


European Academy

Hef ekki sett mikið hérna inn nýlega en það er búið að vera ansi lítill tími til þess.
Er núna í 40 mín. pásu milli atburða og það er lengsta pása síðan við byrjuðum á föstudagsmorgun. Hef ekki verið nálægt fullum nætursvefni síðan þá heldur.

Set meira inn á morgun þegar ég hef tíma, mun samt ekki lýsa hlutunum of náið þar sem það er reynt að halda því frekar leyndu hvað fer fram hérna.

 


Kungälv og Hemmi

Hefði viljað taka öllum gærdeginum rólega þar sem ég er að verða ansi þreyttur af öllum þessum ferðalögum en því var víst ekki að fagna. Tók reyndar 2-3 tíma í hvíld um morguninn áður en ég fór svo að skoða Kungälv soldið.

Kungälv er mjög skemmtilegur gamall bær og bara svakalega fallegur. Setti inn nokkrar myndir neðst. Rölti um vel fram yfir hádegi en þetta er ekkert mjög stórt svo það er takmarkað hægt að skoða.

Eftir það fór ég að búa mig undir ferðina til Hälmstad þar sem ég hitti Hemma. Ég er ekkert sérlega sleipur í samgöngukerfunum hérna svo ég ákvað að vera kominn soldið fyrr á brautarstöðina til að hafa góðann tíma og til að geta skoðað Gautaborg pínu líka.

Það er eins gott að ég gerði það því ég var eitthvað að vandræðast þarna í góðann tíma áður en ég fattaði loksins hvaða fyrirtæki þetta var sem sá um lestirnar og hvar ég gat fengið miðana mína. Hafði lítinn tíma til að skoða Gautaborg, rétt hljóp inn í næsta mall til að fá mér að borða.

Eftir tæpa 1.5 klst lestarferð koma ég svo til Hälmstand á svipuðum tíma og Hemmi. Röltum í miðbæinn og fengum okkur að borða. Töltum svo aðeins um og spjölluðum. Vorum saman í ca 4 tíma áður en lestarnar fóru aftur og ég var ekki kominn upp á hótel fyrr en rúmlega 23.

Er orðinn ansi þreyttur á að vera á ferð og flugi og hef hugsað mér að gera mest lítið í dag. Var samt búinn að lofa mér í mat með JCI fólki í Gautaborg...Picture 298


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband