"Aðeins" meiri ábyrgð

Það hefur víst aðeins meiri áhrif á þjóðfélagið hvort bankastjóri eru vaxinn sínu starfi eða hvort verkamaður er það.

Hef aldrei verið á móti háum launum þar sem hægt er að réttlæta þau með að sýna fram á ábyrgðina sem fólk þarf að bera og hæfileikana sem það þarf að hafa til að sinna starfinu. Ef hluthafar eru sáttir þá er ég það. 

Sjöfaldar ævitekjur á einu ári

Athugasemdir

[busblog.is, 28.5.2008 kl. 17:18]

Það er bara ein athugasemd! Auðurinn hefur "millifærst" á fáar hendur í þjóðfélaginu vegna millifærslukerfis ríkisins. Þannig er þetta millifærslukerfi notað sem hagstjórn og hvað kemur út úr því?

[Úlfur (IP-tala skráð) 28.5.2008 kl. 17:55]

Ef hluthafar eru sáttir þá ert þú það? Skemmtu þér þá vel yfir því að borga 500 milljarða króna lánin sem ríkissjóður ætlar að taka til að bjarga þessum bönkum og krónunni fyrir horn. Þessir bankastjórar fá milljónir í greiðslu hvort sem vel gengur eða illa, og þegar þeir eru reknir fá þeir ævilaun fyrir starfslokin.

Fólk er ekki að kvarta yfir því að aðrir fái borgað réttlát laun fyrir ábyrgð og hæfileika í stjórnunarstöðum. Fólk er einfaldlega búið að fá nóg af stjarnfræðilegri firringu í launamálum þessarra ofurlaunaforstjóra og annarra stjórnenda stórfyrirtækja. Þau eru ekki í neinu samræmi við þessa kosti sem þú nefnir og þar að auki fær hinn almenni launþegi aðeins vasapeninga þessarra manna fyrir störf sem eru ekki síður mikilvæg, t.a.m. við menntun, hjúkrun, umönnun og margt margt fleira. 

[Grétar, 28.5.2008 kl. 22:44]

Mér dytti aldrei í hug að segja ummönnunarstörf ekki miklvæg.

Hitt er annars hagfræðileg staðreynd að fólk fær borgað eftir því hversu mikils verði þeirra störf eru markaðnum. Bankar eru eins og önnur fyrirtæki að því leiti að þeir myndu aldrei borga fólki meira en það halar inn í fyrirtækið í staðinn. Þetta nær líka yfir bankastjórana sjálfa og aðra á "ofurlaunum". Fyrirtæki sem gerðu slíkt færu á hausinn og einstaklingar sem heimtuðu slíkt fengju ekki vinnu.

Ef forstjóri fyrirtækis mótar því stefnu sem halar inn fleiri milljarða á ári þá sé ég ekkert að því að hann fái tugi eða hundruði milljóna í laun sjálfur svo lengi sem þeir sem stjórna fyrirtækinu (hluthafarnir) vilja verðlauna vel unnin störf á þann hátt.

Mig grunar að þeir sem eru sem fúlastir yfir þessu séu með draumóra um það að ef þessir menn væru með lægri laun þá væru launin hjá þeim sjálfum kannski aðeins hærri.

[valderaman (IP-tala skráð) 30.5.2008 kl. 04:36]

Alveg sammála þér Grétar, fólk er ekki alveg að gera sér grein fyrir því að ef bankinn borgar ekki þessi laun fær hann ekki almennilegan mann.

Skil heldur ekki hversu súr maður þarf að vera til að væla yfir því að aðrir séu á of háum launum.

Svo sé ég heldur ekki ójafnréttið sem allir eru að tala um, ég meina, ég er viss um að allir geti fengið þessi laun á meðan þeir skila inn jafn miklum hagnaði.